Woman
Anpil nan nou lè nou soti travay, se òdè yon manje nan restoran si nou pa gen tan pase pran l, benyen, moute kabann nou, e louvri tele nou pou nou amize n aprè yon jounen nou fè ap travay di. Èske nou pa wè l ta bon pou nou amize n, si nou ta rale yon liv woman ki ekri nan lang kreyòl e vwayaje nan espas, nan tan, e nan sezon? Paske li yon liv se vwayaje kote nou poko oswa pap gen tan ale tankou nan pase a, e aprann sa nou pa konnen.
Pifò projè yo kòmanse nan panse n. Pale, li, e ekri kreyòl sipoze kòmanse nan panse nou. Woman se yonn nan zouti nou ka sèvi pou nou konn tèt nou, peyi nou, anviwonman nou, e linivè n ap viv ladan l lan. Anpil enfòmasyon mwen jwenn se nan fouye liv moun lòt nasyon ekri.
Frè m ak sè m yo, peyi nou paka grandi si nou pa mete tèt nou ansanm. Nan panse sa a, jwenn ak atis la pou nou travay, e mete peyi nou kanpe. Lang kreyòl la se yonn nan zouti nou ka sèvi pou nou devlope mantalite nou e peyi n. An nou mete tèt nou ansanm.